Love Shayari in Urdu for Girlfriend Boyfriend Chat

Chat

Tum kehti ho to khush ho jata hoon
Gham apne seene mein dafna aata hoon

Aankh jab khule tum ho samne mere
Khwabon mein bas yahi dua karta hoon

Tere naam se hi rom rom khil uthta hai
Tujhe dekh loon to jagmaga jata hoon

Zulfen apne chehre se jab hatati ho tum
Tere haseen rukhsar mein choomna chahta hoon

Ek jhalak dekho jo meri taraf pyar se
Aankhon k samundar mein tere kho jata hoon

Tum gusse se bhi agar bol deti ho kuchh
tere har lafz ko ghazal bana deta hoon

Aa kar ab seene se simat jao mere
Tere liye jeeta bas tere liye marta hoon

2.

Apne jazbon ko samandar k supard ker de
Men amanat hun aur khayanat mumkin nahi

3.

Ye jazbe hain khilone nahin
K jab jee chaha khela jab jee chaha chhor diya
Mera dil buht bara hai madam
Aasani se kisi aur pe aa jaey ga tu ne agar moon mor diya

4.

Bohat soch samjh ker bolna hota hai
Aise he nahi lab kholna hota hai

Be adab, be parwah, bhaari hain bohat shabd
boojh uthane se qabal tolna hota hai

Har baat kehne ki ijazat nahi jag men
Kuch jazbon ko apne ander gholna hota hai

Komal chor zamane ki chaal he alag hai
Kuch aziyaton men khud ko rolna hota hai

5.

Socha bhi tha samjha bhi tha
Dil se aah k siwa kuchh nikla na tha

Kya bolte kya bol paate hum
Itna aziyat deh tera chhor jana tha

Meri haalat lafz bayan kya kar paate
Chhaya jo mujh pe qayamat ka samaa tha

Gar hansi mazaq mein na uraate
iss dil ka bachna phir mumkin na tha

6.

Har maangi hui dua qubool nahi hoti
Zindagi ki har tasveer phool nahi hoti

Khayal rahe aisi phir khata na ho
Dohrayi jaye jo baat wo bhool nahi hoti

Dil kayi mod par ata hai kayi jaga
Har ki hui mohabbat wasool nahi hoti

Sher o shairi to reh gayi na mukammal
Alam hai salami akhri bhi qubool nahi hoti

Men kisi aur ka noor e chashm hun komal
Kash teri zaat mujh men mashgool nahi hoti

7.

Muhabbat gar khata hai to bar bar karoon ga
Saza chahe jo bhi ho ab mein na daroon ga

Wasooli ki shart ho jis mein wo muhabbat nahin
Pyar k naam pe karobar na kiya hai na karoon ga

Kisi ne kaha tha k muhabbat aap hi hoti hai
Dil aa jaey kisi pe to peechhe mein na hatoon ga

Azad hai dil mera ijazat hai jo chahe kare
Iss k maamlon mein dakhal mein na doon ga

Jaana hai jahan tu jaa hona hai jis ki tu ho
Meri zaat teri rooh mein hai bas wahin pe rahoon ga

8.

Dekh ker tumhen jab tak ghazal na koi kahun
Tab tak mere din ka aaghaz nahi hota

Tumhe apna pa ker bhi kaise karoon yaqeen
Yahan to apna saaya bhi humraaz nahi hota

Koi to hoga heera in patharon men chupa,
Har shaks dunya men daga baaz nahi hota

Lab gar na sahi ankhen to bolti hain
Suna hai ishq aur mushq kabhi raaz nahi hota

Izhar nahi mumkin to inkaar bhi nahi jaiz
Komal muhabbat ka ye koi andaaz nahi hota

9.

Likh kar mere dil pe kehti ho
Ye nazm kissi aur k liye hai

Teri shairi ka khayal mein hoon
Par bazm kissi aur k liye hai

Khel kar jazbon se mere kehti ho
Ye jazba bhi kissi aur k liye hai

Jis adaa se tu ne mujhe deewana kiya
keh de! wo adaa bhi kissi aur k liye hai

Mein masoom wafa ko eeman samajh betha
kaise janta muskurahat kissi aur k liye hai

Keh de jo waada kiya tha mujh se
Wo waada bhi kissi aur k liye hai

Kar k mujhe nabeen ab kehti ho
tera noor bhi kissi aur k liye hai

10.

Is dil ko roka men ne lagataar hai
Teri oar phir bhi gya baar baar hai

Kha k itne zakham bhi chala hai bekhabar
Dushmanon se nahi ye khabardar hai

Saanp k maanind log aa ker das gaye isay
Junoon e humdardi phir bhi isay beshumar hai

Hosh men ub ke bhi aya nahi agar
Khuda he iska phir madadgaar hai

Na hai na sahi, jab tha to kia tha
Koi rishta dunya men nahi paiyedaar hai

Keh do isay har roz nayi udaan na bhare
Saara jatan duniya men bilkul bekaar hai

Komal ub bhi, waqt hai, sambhal jaa
Khareed o farokht dil ki yahan ek karobaar hai

12.

Dil to panchhi hai bharne ko urraan iss ko
Kyun qaed mein rakhte ho dunya k thekedaraan iss ko

Katte jo parr iss k to suno ye mar jaey ga
Tum to sab jante ho beshak nahin pehchaan iss ko

Muhabbat hi ki hai koi gunaah to nahin iss ne
De do jo iss ka hai nahin chahiye tera saaman iss ko

Tum wyapari ho chalo karobaar hi karte hain
Ishq k badle mein nahin chahiye koi ehsaan iss ko

Kehte ho khud ko rakhwaale tum iss k
Chup hai to dar se hai samjho na itna anjaan iss ko

Dekha hai ashiqon ko zinda jalte tere shehr mein
Dua karta hoon k bas naseeb ho qabristaan iss ko

13.

Dil ko urne to dun par seham jata hai ye
Nadaan hai, masoom hai, dhoka khaata hai ye

Men kaam apna karun ya phir kerne dun isay
Har roz ek naya mud’dwa lata hai ye

Samjhaon bujhaon kaise, ye behalta bhi nai
Kisi tadbeer se samajh nahi pata hai ye

Shayad theek he kehte ho isay hone dun magan
Pakar men waise bhi meri kahan aata hai ye

Chalo komal hum bhi aj dekh len is k chalan
Kia khabar kia gul, gulshan men khilata hai ye

14.

Sehme ga nahin to ehsaas kaise aaye ga
Kaise seekhe ga jab tak thokar na khaye ga

Aashyane ka apne pata janta hai ye
Subah ko urra hai sham ko laut aaye ga

Zid tu ne ki to zid pe aaya hai ye bhi
Pyar se bol teri har baat bajaa laye ga

Deewanon ko kahan koi qaed rok payi hai
Ishq kar k dekh apni jaan pe khel jaye ga

Haan, naadan hai, masoom hai, par hai to apna hi
Apna banaye gi to ye bhi har farz nibhaye ga

15.

Note to readers: Komal Motwani is my cousin (well, cousin of my father but younger than me, so I consider her my cousin too). This conversation has nothing to it other than poetry. Thought you should know that:)

16.

Chor de dunya walon ko tu dunya se kyu darta hai
Chupke chupke sab nazron se tu aahen kyu bharta hai

Ye tamashai hain sab tu inhen tafseel na se
Kerne wala bas Rab hai jo kerna hai wo kerta hai

Kiya paida azaad us ne cheen lia logon ne haq
Ja jee le apni zindagi ghut ghut ker kyu marta hai

Chal men tere sath hun tu qadam agey barha
Koi gham gila nahi gar tu girta parta hai

Tera muqaddar hun men pooch le apne batin se
In hath ki lakeeron se be waja kyu larta hai

17.

Dunya se bhi tere liye to darta hoon
Muhabbat tujh se be inteha jo karta hoon

Tere aane se pehle koi khauf mujhe na tha
Haan ab tere bichhar jaane se darta hoon

Tu sath hai to akela hi kafi hoon jag k liye
Ye ailaan mein aaj sare aam karta hoon

Log to mausam ki tarah badalte rehte hain
Tu na badle bas yahi dua din raat karta hoon

Mera har qadam bas teri aur hi barhta hai
Tujhe dekh kar hi to aahen ab bharta hoon

Hathon ki lakiron pe kab tha aitbaar mujhe
Deewana hoon har jaga tujhe talaash karta hoon

17.

Aa men tujh men doob jaon aur tu mujh men doob jaye
Ye safar is umar ka phir kiss qadar khoob jaye

Dunya thak gayi mujhse aur men dunya se tang
Bas dekhun naa wo din jab tu mujh se oob jaye

Har dagar chalun gi sang khaar hon chahe hon gul
Meri disha bas wahi jahan mera mehboob jaye

Aa men tujh men doob jaon aur tu mujh men doob jaye
Ye safar is umar ka phir kiss qadar khoob jaye

18.

Aaya hai bulawa mehboob ka mein kaise na jaoon
Dil ne di hai dastak dil pe ab kyun isse samjhaoon

Koi roke koi tokay koi parwah nahin hai mujhe
Pyar se kaha hai doob ja bina soche mein doob jaoon

Chal para hoon mein lekar dil hatheli par apni
Ab yaar kahe to jeeoon yaar kahe to mar jaoon

Aaya hai bulawa mehboob ka mein kaise na jaoon
Dil ne di hai dastak dil pe ab kyun isse samjhaoon

19.

Sochne aur samajhne ka koi kaam nahi hai 
Yar kehde k bikhar ja to bikhar ja mere dost

20.

Khamosh iradon ko zuban pe lana chahye
Mohabaat kerne ka dil ko bahana chahye

Aur koi kaam to lagta nahi jag ka
Tanqeed kerne ko bas zamana chahye

Umda jo but (statue) banaya hai Rab ne
Isay poojne k lye ek deewana chahye

Hawa sakht hai aur kamzor mere par
Udnay k lye mosam suhana chahye

Ao ek tehreer sunhairi likhen mil ker
Sunane k lye qissa koi purana chahye

Kia likha muqaddar men komal kisay pata
Lazim faqt ye ho k tu yad ana chahye

21.

Phoolon ko jahan khilna tha wahin khilte to acha tha
Maine tumhi ko chaha tha tumhi milte to acha tha

22.

Phool khile hain to titliyaan laut aayi hain
Mere aangan mein phir khushiyaan laut aayi hain

Khoob jhoomne naachne ko ji chahta hai
Iss sehra mein bahaaren laut aayi hain

Saja do ghar, galiyaan khushboo se mehka do
Tha jin ka intezar wo shaamen laut aayi hain

Gham o udaasi se niklo khul k saans lo
Hamare shehr mein jashn ki fizaaen laut aayi hain

23.

Bhook chehron pe liye chaand se pyaare bache
Bechte phirte hain galiyon mein gubaare bache

Diljeet zaroori hai khaali maedon me umeed ka rizq daalen
Nahin to na’umeedi se mar jayenge hamaare bache

24.

Naya din nayi subah nayi umeed laya hai
Jani pehchani hai dastak dekhen to kon aaya hai

Chehra to wahi hai, nigaahen nayi hain lekin
Mera mehboob na jaane kiss kaam se aaya hai

Har roz alag rang, alag kefiyat hoti hai
Kya khabar yaar apna aaj kiss haalat mein aaya hai

Satata khoob hai, rulata bhi buht mujhe
Kya karen dil apna iss dilgeer pe jo aaya hai

Kabhi kahe dost, kabhi yaar, kabhi bilkul anjaan
Mujh pe to har pal bas uss ka nasha chhaya hai

Muhabbat hoon, ya zarurat uss ki, kon jaane
Mere to rom rom mein wo lahu ban kar samaya hai

Kehte hain, ishq qurbani mein sar mangta hai
Yaad rakh Diljeet ishq pe karballa ka saya hai

25.

Andheri raat hai, hai baarish, aur ho tum
Meri dil men uthti ye khwahish, aur ho tum

Khauf hai koi sun na le suskian meri
Tanha rahun hai ye sifarish, aur ho tum

Har shab mera hota hai tum se saamna
Har roz ek nayi azmaish, aur ho tum

Dil k kitne hue tukre gint’ti mumkin nahi
Rahi nahi koi gunjaish, aur ho tum

Komal karo jatan dilchaspi ka kaam men
Faragat ki hain gham paidaish, aur ho tum

26.

Dilon ki baat dilon pe chhorte to achha tha
Tootne se pehle na inn ko torte to achha tha

Kambakht ishq ko kon samajh paya hai aaj tak
Iss pe hum bhi na itna sochte to achha tha

Jo hona hota hai wo hokar hi rehta hai
Bila waje na khud ko tarpaate to achha tha

Kaha tha na qudrat ka khel qudrat ko khelne do
itna kehna mera maan jaate to achha tha

Hoon gham zada mein khush tum bhi nahin
Chhoti si baat ko itna na barhaate to achha tha

Ab to mumkin hi nahin k hum phir se mil jaen
Kash! na kehna parta aaj ye to achha tha

27.

Bohat udaas jab ho jati hun to ro leti hun
Apne he wajood se thak jaon to so leti hun

Jab hon sirf bolne waale har taraf
Aankhen moond ker zara khamosh ho leti hun

Ansu koi pochhne wala jab nahi hota
Men saare gham apne andar samo leti hun

Zabt ka paimaana jab ho jaye labraiz
Muskura ker daaman apna bhigo leti hun

Mere andar gunahon ki gard ho jati hai jama
Isay apne he ansuon se aksar dho leti hun

Kisi ki sochon ka mehwar na ban saki komal
Aj kal apne he khayalon men kho leti hun

28.

Sooraj hai dooba sang dooba hai mera dil
Kaisi ker di hai paida tu ne ye mushkil

Men roshnion ka suraag dhoondne wali
Andheron ko meri zindagi men kyu ker dya shamil

Jabran pehle aana phir chor ker chale jana
Is saari mehnat se tmhen kia hua haasil

Tere gird to rangeenion ki kami nahi thi
Kabhi socha kitni tanha meri ho gayi mehfil

Men to tujhe apna Khuda maanti thi
Kash tu mujhe bhi samajhta apne qabil

Kitni mushkil se hui thi teri taraf raagib
Tere jaane k baad komal ho gyi bad’dil

 

29.

Jab log zindagi men lahasil ho jaate hain 

Unki yadon ka samaan saanp ban kar dasta hai

Saath bitaya har pal ek nasoor ki maanind
Chashm e khana se dheere dheere rasta hai

Mujhse purani baton ka zikar na cherna ae dost
Ye almiya mere dil o zehan men abhi khasta hai

Is ko ghaseetna ab bohat tafleef deh hua
Yaaden sifat kitab aur jism jo ek basta hai

Na rooh ki aziyaton ko zuban dya ker komal
Dekh le zamana tujh per kis qadar hansta hai

30.

Itna door chali gayi wo mujh se
K ab khwabon mein tak nahin aati

Socha tha jee loon ga yaadon k sahare
Par wo yaadon mein bhi nahin aati

Mera har zikr ussi ko bayan karta tha
Ab to baaton mein bhi nahi aati

Ussi k naam se chalti thi saans meri
Par ab saanson mein bhi nahi aati

Har jazba junoon bas uss k liye tha
Ab jazbaton mein bhi nahi aati

Ho gaya tha aadi dilason ka Diljeet
Par ab to dilason mein bhi nahi aati

31.

Is Dunya ka yahi dastoor hoga
Har majnun laila se duur hoga

Zawaal jo is qadar aya hai tera
Tu raha ishq men magroor hoga

Mujhe is tarah beech raha chor ker
Mumkin hai tu kabhi masroor hoga?

Kash mehz dil rakhne k lye keh deta
Ye darya akele kaise uboor hoga

Khush rakhe ga wo, na raha to kia
Uski yadon se rooh me suroor hoga

Komal dua de usay mil jaye aaram
Wo bhi halat se raha majboor hoga

32.

Mere bina jee bhi nahin paati ho
Mere sang reh bhi nahin paati ho

Baat jo chhupi hai dil mein tere
usse zuban pe bhi nahin laati ho

Door jata hoon to ro parti ho
Paas jo aoon to bhaag jati ho

Bulati ho safar pe qasam de k apni
Phir raah mein tanha chhor jati ho

Qusoor itna hai aey dilruba mera
iss dil ko bas tum hi bhaati ho

Ho sakay to bas itna bata do
Akhir tum mujh se kya chahti ho?

33.

Jane do mujhe aaj, mujhe kahin jana hai
Kisi kone men chup ker dil ko manana hai

Tu to aasmaan me udta hua panchi hai
Mumkin nahi tujhe apna banana hai

Ye junoon tha, mohabbat ya deewangi
Is paheli ko mushkil suljhana hai

Wo haseen raat ka aalam, men aur tum,
Is raaz ko seene men dafnana hai

Jab kabhi mere raaste se guzarta hai
Haye! Tu dikhta shaks koi begaana hai

Tu bhi kabhi mohabbat ka dam bharta tha
Is malaal se behter nikal aana hai

Dekh le na koi mere ansuon ki lari
Zaruri ek sarsari si muskurat sajaana hai

Badnaam na ho jao bekaar men komal
Khabardaar! Bada kharab zamana hai

34.

Wo so bhi rahi thi aur ro bhi rahi thi
Mera daman ashqon se bhigo bhi rahi thi

Sapnon mein thi ya kuch soch bhi rahi thi
Neend mein misron ko piro bhi rahi thi

Wo hamesha k liye meri ho bhi rahi thi
Aur door kahin ja kar kho bhi rahi thi

35.

Buht pachhtao gi agar mujh se door jao gi
Itna yaad aoon ga k so bhi na paao gi

Mera kya hai mein to pagal hoon ishq mein
Seene se laga loon ga jab bhi laut aao gi

Chhor k ja rahi ho jis k liye tum mujhe
Rang dikhae ga apne to heraan reh jao gi

Zamane ko samajhti nahi tum naadan ho abhi
Thokar khao gi to moon k bal gir jao gi

Dil halka karne k liye rona aasan hai, magar
Ashq sookh jaen ge phir ro bhi na paao gi

Suno, meri na sahi, apne dil ki to suno
Abhi gar na sambhli to toot k bikhar jao gi

 

36.

Saat samundar paar se ek paigaam aaya hai

Dil se nikla dil k liye ye kalaam aaya hai

Madhosh na ho jaoon yaaro sambhalo mujhe
Uss k honton se nikla ye jaam aaya hai

Shayar ban gaee hai par badli zara bhi nahin
Ye jaan kar dil ko bara aaram aaya hai

Kab tha socha k bas mere liye hi likhe gi wo
Uss k har misre mein mera naam aaya hai

Sach hai, ya hai koi sapna, koi to bataey
Izhar e muhabbat kab yun sare aam aaya hai

Sochta hoon aaj hi deedar e yaar ko nikloon
Kab kahan pyar ka itna mukaam aaya hai

37.

Dekho! Jugal bandi abhi jaari hai
Lagi aag seene men kitni sari hai

Saat samandar paar hain to kya
Dono he taraf beqarari hai

Ek nasha sa chaya hua har su
Har ghari ek bekhumari hai

Sudhar jao abhi waqt hai baqi
Pyar men be intiha khuari hai

Pata hai ishq koi khel nahi hai
Dikhao to zarra kaisi tayari hai

Nidar ho to bas phir chale ao
Qeemat kerni ada chahe bhari hai

Dar to lagta mujhe bhi hai magr
Jamti sirf tujhse he yaari hai

Ab akele hona nahi guzara komal
Jaan jo Diljeet pe tu ne waari hai!

38.

Kar li hai yaari to khwari se kya darna
Aa raha hoon aaj hi mera intezar karna

Qeemat jo bhi ho deedar ki, manzoor hai
Peechhe na hatoon ga ab jeena pare ya marna

Ishq ki aag hai, saaton samandar sukha de gi
Bas tu aur mein na jal jaen, itni dua karna

Tayari to khel ki hi ki jati hai jaan e mann
Ishq junoon hai, kya sochna ab kya sudharna

Mil k banaen ge nayi dunya, jis mein
Muhabbat ki har wadi ho aur Pyar bhara har jharna

Aao ik dooje mein aise kho jaen Diljeet
Saans meri ho Komal jab ho tujhe dum bharna

39.

Keh deta hoon wese mera kehna nahin banta
Ab tum dono ka alehda rehna nahin banta

40.

Badal jaate hain uss k ravaiye kasni k dhang ki tarah
Jeet le moqa yar ki jhalak pe hi malang ki tarah

41.

Tum ne keh diya hai jo kya bura manun iska
Us k bagair jeena be shak gunah lagta hai

42.

Darvesh ishq karta hai prem sikhata hai
Wo koi maujza dikhane wala nahin

Ye tujhko kisi ne ghalat kaha tha mere bare
Nahin Komal main dilon ko dukhane wala nahin

43.

Iss Dil ko dukhane ki haisiyat he kahan thi kisi darwesh ki
Hum khud apni khushiyon ko hatheli men sajaye rakhte hain

44.

Baat haisiyat pe aa gayi, tamasha khatam shud
Fankaar dunyadari pe aa gayi, tamasha khatam shud

Jin diye ko roshni se kuch lamho ko ishq hua
Ab unki zid sooraj pe aa gayi, tamasha khatam shud

45.

Tamasha tumhare liye hoga mere liye haqeeqat thi
Jab gul men khushbu na rahi to gulistan sajate kaise

46.

Waiz hum koi chor hain jo raviyo se darenge
Mu tor k rakh denge Waqt! Tera lehja sakht hua

47.

Auqaat pe apni kitni aasani se aa jata hai
Kia karen jab insaan phir insaan ho jata hai

48.

Men ne kisi ka naam bhi lya to bewafa hui
Us ki mehfil men to saans baad ijazat pehle

49.

Agar haqeeqat e ulfat se bakhabar hote
Farishte arzo krte k hum bashar hote

50.

Bekhauf urane wala ab kahan yad, kis ko aziz
Sarak paki hui to bacho ko gubare wala bhool gya

51.

Na waqt thamta hai na na zameen ki gardish
Hum kyu na haq kisi k lye thehar jate

52.

Mujhse na Haq khafa he wo k maine mehkhane ka pata
Har uss shaks se pocha tha, jis k nain nasheelay the

53.

Raza uss ki bhi mil gaee hai, dekho
Jis k dil dukhne ka dono ko dar tha

Ab zamane se kya ghabrana pagli
Yahan wese bhi kahan apna ghar tha

Ao k ab manzil tak puhnchaen uss ko
mil kar shru hum ne kiya jo safar tha

Muntazir hain hum uss dunya mein apni
Kiya jis ka mene har lamha zikar tha

Chahe aandhi aey ya aey koi toofan ab
Aafton ka pehle bhi kahan humen dar tha

Har khatre ko tere apna bana loon ga
Rakh diya kadmon mein tere jo sar tha

Mur kar na dekh ab peechhe tu Komal
Tere sath khara hai jo tera humsafar tha

Hathon mein hath har dum le chale ga Diljeet
Phal mila hai uss ka barson kiya jo sabar tha

54.

There is a point in time when you are so hurt
You actually no more care if the relation gets curt

Don’t take me wrong that I don’t appreciate
The pain is so much it just doesn’t alleviate

What you feel for me is indeed kind
Though I am not ready for a relation as it will surely bind

Yet I hope I can count on you when I need
That you won’t throw me off your garden like a weed

I have had people offer me a back in the past
Although they seemed friends but later they mocked fast

I am just tired, I don’t want to complain
Everything perhaps at some point looks vain

I think I need a break, to pull myself together
Reach at a stage where nothing should ever bother

Till then bear with me if you can, please
Clap on my misery and say out loud, “Cheese”!

55.

So this time you’ve not only changed the mind yet again, but even changed the language:P

Let go Diljeet and let’s go somewhere else
You will only get pain here and nothing else

56.

I apologize but it had to change
Talking the same was just out of range
I can understand if you find it awkward
The truth is I too find myself strange

57.

Not that I mind using another language to talk to you
It just feels I’m talking to someone else and not to you
I have never even read poetry in English, let alone writing
But then what’s in this world that I haven’t done for you

58.

Pain in other language too, God I need break
I need some sunshine in life even if it’s fake
I chose to speak in a different mode to help smile
You gotta help me make this decision worthwhile

59.

Your smile is all I want, will give no matter what it takes
I’ll speak this different mode even if my tongue shakes
I thought it was heart who felt the pain and not the tongue
Who cares about logics here your pain need the brakes

60.

It’s just that I feel so numb I can no more innovate
I just want to keep writing simple and straight
No more fancy words to please anyone around
If I disappear, just check in “lost and found”!

61.

Don’t worry, I know it’s just one of those days
This also will pass for it’s just another phase

What we share is far bigger than mere writing
Words can’t describe what your silence says

I will wait even if you disappear on purpose
You will always come back my heart says

All I wish I could make you smile right now
I just want you happy all nights and days

I know life is not a wish granting factory
So I’ll just wait and see what game it plays

Just remember you mean more than life to me
Even if I have to live every day with a new phase

62.

Do you mean what you say or it’s just for the sake of rhyme
For my heart skipped a beat and my eyes began to shine

I haven’t heard anyone in so long this positive in his vibe
Though I was sure boasted of people who belonged to my tribe

The point is force and persuasion never brings out love
For it to really happen and last you have to rise above

I don’t know what you say is truth but even if it’s sham
I must still confess to you how impressed I truly am

For you come across a person who is really genuine and kind
A sort of person who may take forever for me to find

Please accept my humble gratitude for being who you are
You will be close to my heart no matter how really far

63.

Art of flirting with words is unknown to me
I just say what I mean and then let it be

I felt happy to know I made your eyes shine
But your doubt took away all pleasure of mine

The only disadvantage of being the way I am
Is I trust whatever you say, bright or lame

But I understand what you are going through
It must be hard to believe what’s sweet is true

Only way to see my tongue isn’t sugar coated
Is to taste it yourself before it is rotted

Why am I giving explanations, my brain asks
Heart replies, shut up, handle your own tasks

For it knows you’re the one it only beats for
Believe it or not, only truth is what I’ve said so far

64.

You know it’s not you, the fault is in our stars
I somehow see thorns even when there are flowers

There were times when I trusted and loved with all my heart
Shattered it was so bad, now it lays broken apart

I have tried to muster courage, I just could not do
But I want you to know that its not because of you

Tasting your tongue, my friend, is an imagination too wild
I need you to use brains and not act a foolish child

I will remain skeptic for that is my defence
My heart is dubious and doesn’t believe in romance

Thanks for your approach and the love you truly shed
At least now I know not everyone on earth is bad

65.

It all began with hazel and the fault in our stars
I still remember the journey to the sky, and those scars

66.

I will wait for you even if you don’t come to me ever
But I believe your suffering isn’t going to last forever

I have suffered pain far bigger than yours in past
You at least want to live, I wanted to die really fast

When heart breaks, the whole world breaks with it
All you need is a silent room where you can sit

To reflect on the whole thing which left you dry
That it’s not worth dying before you actually die

I’ve used brains before, all they want is profit
From them neither I nor you will have any benefit

Your words speak the language of your heart
They’re screaming that you also want to take part

How can a sweet heart like yours deny romance
I know it needs time to break the unwanted defence

I have all the patience in the world, I’ll just wait
For you to rise again, come and open your gate

Komal (replied soon after, back in Urdu again)

Neend se uth kar muskurana theek nahi
Be dhiani men aise gungunana theek nahi

Yun sher o shairi men uljha kar humen
Haule haule dil churana theek nahi

Tere khayalon men mehv reh ker aise
Bewaja baton per khilkhilana theek nahi

Dur jo bin bataye chale jate ho aksar
Khuamakhua humen azmana theek nahi

Dil tha abhi yahan, gya kahan janab
Muamla sangeen par ghabrana theek nahi

Jaante ho kitna mushkil hai khud ko rokna
Jaan boojh kar humen satana theek nahi

Suno hum jawan hain aur samaan rangeen
Aise men tera ghar pe aana theek nahi

78.

Kya theek hai aur kya nahin sochne k liye umr pari hai
Ao ik doosre mein kho jaen dekho kitni sunheri ghari hai

Har waqt hosh mein rehna zaroori nahin hai meri jaan
Pee lo jaam jo honton pe hai isse phir laane mein mushkil bari hai

Kyun rokti ho khud ko jab dil tumhara bas mujhe mangta hai
Na chheeno uss se wo sukoon jis ki uss ko ab aadat pari hai

Qaed se azad karo muskurahaton ko, khul k hans lo zara
Hamesha na rahi hai na rahe gi khushiyon ki jo aarzi ghari hai

Jawani ka koi bharosa nahin kab sath chhor k chali jaey
Bheegne do isse bari muddat baad iss sehra pe baarish jo pari hai

Taraste hain sari zindagi uss ki ek jhalak ko lakhon karoron log
Aur tum moon pher rahi ho jab qismat khud darwaze pe khari hai

79.

Kaise jazbe kaisi shayari achha hai
Misron mein baaten karna achha hai

Mene shiddat k rog sahe, munkar thehra
Ilm nahin tha aage mausam, achha hai

Bachpan k dukh, iklaape ki maut bane
Jeene walo tumhare liye sansaar, achha hai

Leave a Reply

100 Fadu Status in Hindi

100 Fadu Status in Hindi

100 Fadu Status in Hindi | Fadu Attitude Atatus in...
100 Good Morning  Whatsapp Status in Hindi

100 Good Morning Whatsapp Status in Hindi

100 Good Morning  Whatsapp Status in Hindi 1."सुप्रभात ऐ सुरज मेरे अपनो...

”ॐ में ही आस्था; ॐ में ही...

”ॐ में ही आस्था; ॐ में ही विश्वास; ॐ में ही शक्ति; ॐ म...

अच्छे के साथ अच्छे...

अच्छे के साथ अच्छे रहो लेकिन बुरे के साथ बुरे नहीं बनो। ...

अपनी जुबान से...

अपनी जुबान से किसी की बुराई मत करो, क्योंकि बुराईयाँ ...

आज कुछ घबराये...

आज कुछ घबराये से लगते हो, ठंड मे कपकपाये से लगते हो, ...

आप का हर लम्हा गुलाब...

आप का हर लम्हा गुलाब हो जाये, आप का हर पल शादाब हो...

आपकी आँखों को...

आपकी आँखों को जगा दिया हमने, गुड मॉर्निंग का फ़र्ज़ अदा कि...

आपकी ज़िंदगी में कभी...

आपकी ज़िंदगी में कभी गम ना हो; आपकी आँखें कभी आंसुओं...